ملتقى خدام الحسين وقرّاء القرآن الكريم
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
منتدى الرادود الحسيني الأستاذ عمار الكناني هو ملتقى خدام الحسين ع و قرّاء القرأن الكريم
قال الإمام العسكري (عليه السلام): الفقر معنا خير من الغنى مع غيرنا والقتل معنا خير من الحياة مع عدونا، ونحن كهف لمن التجأ إلينا ونور لمن استبصر بنا وعصمة لمن اعتصم بنا، من أحبّنا كان معنا في السنام الأعلى ومن انحرف عنا فإلى النار .
لتحميل الملفات،،،، من خلال ،،،، مركز وليد الكعبة لتحميل الصور والملفات ،،،، http://www.wlidk.net/index.php

شاطر | 
 

 خدامك نظل دوم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشاعر الحسيني ابو لقاء



عدد المساهمات : 22
تاريخ التسجيل : 20/11/2013

مُساهمةموضوع: خدامك نظل دوم   الخميس نوفمبر 21, 2013 5:39 am

شيعتي
ـــــــــــــــــــــ

خدامك نظل دوم ** لو فجرونه كل يوم

حبيب وعدنه غالي ** خدامك نظل دوم

*********

احنه عالفطره انخلقنه ** بعالم الذرشفنه رسمك

يانيشد وباقي خالد ** نقره بعــــــــد الباري اسمك

جمرة امصـــــــابك متطفه ** فــــجر الثورات دمك

تدري موبس خدمه نخدم ** انقدسك كلنه ونعظمك

كلنه نروح فدوه ** من غيرك منسوه

هويه الكل موالي ** حبيب وعدنه غالي

خدامك نظل دوم

***************

عالمحبه احنه ربينه ** ذكرك انسمعه من اهلنه

كبرت اويانه المحبه ** بيـــــــهه يتوحد شملنه

ياامل بيك ارتبطنه ** خدمتـــــــك صارت املنه

مانجازي گطره منك ** شما نزفنه شما عملنه

يامرهم للجروح ** لجلك نبچي ونوح

يالدمك يلالي ** حبيب وعدنه غالي

خدامك نظل دوم

**************

حبك اعلينه فريضه ** افرضه رب البريه

يعني كل الدين انته ** انته ثـــبت الهويه

فدوه قربان الترابك ** تفـــــــتديك الرافضيه

بالعمل ننوي الشفاعه ** بخدمتك يبن الزجيه

لو كل ساعه تفجير ** نبقه بدربك انسير

غيرك ماحلالي ** حبيب وعدنه غالي

خدامك نظل دوم

************

يچذب الگال انته ميت ** حضرتك رمز الوجودك

كل فضيله بهالشريعه ** من كراماتك وجــــودك

هالزمن كله زمانك ** والارض كلهه حــــــدودك

الجنه مفتوحه بحضرتك ** واليحب يشتم ورودك

بمحبتك مجانين ** متهمنه العناوين

تبقه دوم عالي ** حبيب وعدنه غالي

خدامك نظل دوم

*************

والله مانترك طريقك ** فجنّه بحور المنايه

اويه المنيه احنه انتلاوه ** باسمك تنادي الدمايه

غيرة الكافل اخذنه ** والوفه اصبح سجايه

ننطي كلشي اللي نملكه ** من اجل نهج الولايه

نصيح بصوت لبيك ** كلشي والله نهديك

بالخمه منالي ** حبيب وعدنه غالي

خدامك نظل دوم

*****************

هالدمه وكل المناحر ** سالت امن اجل الكرامه

الشيعي معروف بولاءه ** بمنحره يفدي امامه

درب ابو اليمه طريقه ** عبرته حسين وكلامه

دمه لو سال وتفجر ** يبعـــث اشواگه سلامه

كل دمنه هديه ** لجل ابن الزجيه

بس الكم نوالي ** حبيب وعدنه غالي

خدامك نظل دوم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خدامك نظل دوم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الرادود الحسيني عمار الكناني :: ملتقى شعراء أهل البيت ع :: قصائد الأحزان-
انتقل الى: