رساله للمهدي عج

عدد المساهمات : 22 تاريخ التسجيل : 20/11/2013

يامهدي الامامه ** يمته اخر علامه

ياسر الجلاله ** نبعثلك رساله

يمته اخرعلامه

*********

اول كلمه بسم الله نبدي * ونقراهه الزياره

ويه اول سطر صاح القلم اّه * محتاره العباره

واحتار بكلامه منين يبديه * يفكر بانتظــــاره

يدري بشيعتك ما خضعت بيوم * تتحده بجداره

يمته اتمر علينه ** تسمع كل حچينه

كل واحد سؤاله ** نبعثلك رساله

يمته اخر علامه

**************

برسالتنه ابد مانقصد اعتاب * عذرا ياامامي

مانعتب قسم يبن الميامين * انته ادره بكلامي

گلبي اللي كتبهه تعلم اشبيه * ولشوفتك ضامي

كلهه محمله اشــــواگ ومحنّه * ينقلهه سلامي

اكتبلك حنيني ** انتظرك تجيني

زمنّه هاذي حاله ** نبعثلك رساله

يمته اخر علامه

******************

رساله والحبر من دمع العيون * مختومه بدمانه

نبعثهه الك يبن الميـــــــامين * بقصايدنه وعزانه

يسألونه بحقد عنك يسألون * يمته يهــــــل زمانه

يمته يزيح عنكم هاذي الاهموم * ويبين حنانـــــه

گلناهه بصراحه ** بسلوب السماحه

كتبناهه المقاله ** نبعثلك رساله

يمته اخرعلامه

*************

كتبناهه السطور ونشرح الحال * انته ادره بوضعنه

رسمنالك صور حمره المناظر * متلونه بدمــــــعنه

شجره اغصونهه دم ومناحر * نضويهه بشمــــعنه

بكل كلمه الكتبناهه معاني * اتخبرك ماخضـــــــعنه

يم بحرك رسينه ** يربان السفينه

يااطهر سلاله ** نبعثلك رساله

يمته اخرعلامه

************

بغيابك هالمـــحن بيهه انتشارك * بالمحنه ســــويه

قريناهه الكتب ويه الروايات * عرفنه هالقـــــضيه

عرفنه احسن عمل هو انتــــظارك * صبرنه عالرزيه

نناطر بالمحبه الطلــــــــعتك يوم * تسعد هالــــبريه

نقسملك نودك ** تطيب الروح عندك

يامهدي العداله ** نبعثلك رساله

يمته اخر علامه

**************

هذا اخر سطر واخر عبارات * نكتبهه الجنابك

اشتاگينه وكتبنالك رساله * مانطـــــلب جوابك

قريب انشوفك تعاين علينه * فاتح النه بابك

عدوان العقيده وهالنواصب * حيرهم غيابك

عاميهم حقدهم ** ميهمنه عددهم

يانهج السلامه ** نبعثلك رساله