خلي المايبجي وما يحزن

عدد المساهمات : 22 تاريخ التسجيل : 20/11/2013

مجرشه
ــــــــــــــــــــــــــــــ

خلي المايبچي ومايحزن ** خل يسمع شنگول

خسران الميحب ويعشگ ** غير الذل مينــول

خل يتعلم ** والمايفهم ** غير الذل ميــــنول

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تقسم قسم كل شيعته ** ماتنسه يوم امصابه

باحزان وبونه ودمع ** تحــضر تقبل اعتابه

نوره ابد ماينطفي ** وعطره نشــــمه ابابه

فاز الذي بحبه حضه ** واسمه يدونه اكتابه

حبينه العالم من حبك ** يالمالك تفسير

نقسم عنك مانتخله ** والي ايصير يصير

الضدك يندم ** والمايفهم ** غير الذل مينول

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انته الهوه ياسيدي ** عطر ويطگ قداحـــــــه

انته الطبيب اويه الدوه ** والروح بيه مرتاحه

فدوه الك هاي البشر ** ترخص الك ارواحه

باسمك تنادي هالدمه ** من تذبح الذباحه

يحسين شما صار ويجري** نقسم ماننساك

لعيونك يرخص كل غالي ** ونظل دوم اوياك

لاما نهتم ** والمايفهم ** غير الذل مينول

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لوما تفجر ثورتك ** سور النــــــــــبي يهدمونه

للغيره واركان الشرف ** انته اصبحت مضمونه

ثورات رسـمو للعدل ** من دربك يرســـــــــمونه

تاريخ انته ومدرســـــــــه ** بيهه الأبه يعلمونه

لوما دم المنحر ينزف ** مايثبت هالدين

ثبت الحق ودستوره ** من دمك يحسين

بحبك نسلم ** والمايفهم ** غير الذل مينول

****************

نورك ابد ماينطفي ** انوراه تشع وهاجه

درب الكرامه والعزم ** منك اخذ منهاجه

مايوم تحتاج البشر ** هيه الك محتاجه

كل خادم اوياك ارتبط ** خدمتك عزه وتاجه

من غيرك هالدنيه اشتسوه ** ماتسوه الايام

بنورك يابو اليمه اتلالي ** واترف الاعلام

بحبك نشـــــــــتم ** والمايفهم ** غير الذل مينول

*******************

قران نهجـــه والسور ** مخزونه بيهه اسراره

ثار الله اصبح والـــقيم ** والمـــــهدي ياخـذ ثاره

اتعاهدنه وياه بعهد ** نبــــــــــــــــــقه ونظل زواره

الانصار بالطف لو گظو ** شيعته كلهه انصاره

لو تلتم عدوانك كلهه ** نقسم لا منهاب

بحبك كل احنه اتسلحنه ** مانهتم لارهاب

لجلك هالدم ** والمايفهم ** غير الذل مينول

**********************

كل جرح عدنه ينسي ** ماتنسي ايامـــــــــه

نصبح أله سيوف ودرع ** بالغيره احنه اقلامه

نكتبله اشعار بحزن ** ونذكر بلوعه ايتامه

نتمنه بالخــــــــــــــــدمه نظل ** طول العمر خدامه

انحقق اهداف بهالخدمه ** ونسجل عنوان

عنوان اينادي لولاكم ** مايبقه الايمان

ننصب ماتم ** والمايفهم ** غير الذل مينول