ملتقى خدام الحسين وقرّاء القرآن الكريم
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
منتدى الرادود الحسيني الأستاذ عمار الكناني هو ملتقى خدام الحسين ع و قرّاء القرأن الكريم
قال الإمام العسكري (عليه السلام): الفقر معنا خير من الغنى مع غيرنا والقتل معنا خير من الحياة مع عدونا، ونحن كهف لمن التجأ إلينا ونور لمن استبصر بنا وعصمة لمن اعتصم بنا، من أحبّنا كان معنا في السنام الأعلى ومن انحرف عنا فإلى النار .
لتحميل الملفات،،،، من خلال ،،،، مركز وليد الكعبة لتحميل الصور والملفات ،،،، http://www.wlidk.net/index.php

شاطر | 
 

 دمنه هديه لابن الزجيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشاعر الحسيني ابو لقاء



عدد المساهمات : 22
تاريخ التسجيل : 20/11/2013

مُساهمةموضوع: دمنه هديه لابن الزجيه   الخميس نوفمبر 21, 2013 5:54 am

دمنه هديه ** لابن الزجيه

ماننسه يومه

**********

لبيك يحسين * صارت عناوين * عبره صــارت كربله عدنه وطفـــوفه

والگمر عباس * صارلنه نبراس * من اجل عزه وكرامه انطــــه جفوفه

مانخشــــه ظالم * لا مانساوم * مانخــــاف من الحـزم كلهه وســـــيوفه

بالغيره واحساس * مرفوعه هالراس * ندري زين بهالزمن صعبه ظروفه

نصون القضيه ** لابن الزجيه

ماننسه يومه

********

غيره فلا نريد * عن حبه منحيد * صار حبه للمحب غايه اوسيله

صارلنه نيشان * بالوفه عنوان * للموالي بالوفـــــه عبره بكفيله

رغم المصايب * ويه النوايب * عدنه عنوان وعبر صبر العقيله

مانخشه عدوان * نصبحله قربان * هالدماء وهالنزف لجله قليله

هالرافضيه ** لابن الزجيه

ماننسه يومه

*************

هالدمع سچاب * ماننسه المصاب * والله ماننسه الحُسين ولا مصابه

ساكن بالعـــيون * رسمه والجفون * بحبه نتحـــده الزمن كله وعذابه

واللي يسألون * المن تلطمون * من مواقفـــــــــــــــنه أله رده وجوابه

اسمع يلايم * هاك العــــــلايم * كعبه عدنه حسين ونـــــــــــقدس ترابه

نهتف سويه ** لابن الزجيه

ماننسه يومه

***********

ما نخشه ونهاب * ونذل الارهاب * اُمنه فطمــتنه على صوت القنابل

منهاب السيوف * ماننسه الطفوف * ننطي هاذي الروح مانطلب مقابل

نور الميامين * ياس ورياحين * دمنه چي اصله حــــسيني طگ سنابل

عن دربه منميل * خلي الدمه تسيل * هالجروح تغرد بصـــــــوت البلابل

كلنه ضحيه ** لابن الزجيه

ماننسه يومه

*********

بگليبي مكتوب * من حبه ماتوب * من الطـــفوله اخدمه وهذا مشــيبي

كل ظنهم انطيح * صوت الدمه يصيح * صوت يهتف ياحُسين انته حبيبي

هالصــــوت مسموع * نجريلــــــك ادموع * بالمئاتم لجلك دموعي ونحيبي

صوتي تراتــيل * قران وانجـــــــــــيل * بالحشر الگه يبو اليمه نصيبي

الطم بيديه ** لابن الزجيه

ماننسه يومه

**********

كل يوم تفجير * كل ظنهم نحير * ندري لا دين وشرع ذوله النواصب

هالفكر ملغوم * مليان بسموم * دوم تلدغ بالــــــــــــغدر مثل العگارب

يدرونه منخاف * احنه اهل الاعراف * نبقه وبثار الدمه السالت نطالب

نرفع شعارات * من الذله هيهات * والله رغم خشومهم ننصب مواكب

بغيره وحميه ** لابن الزجيه

ماننسه يومه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دمنه هديه لابن الزجيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الرادود الحسيني عمار الكناني :: ملتقى شعراء أهل البيت ع :: قصائد الأحزان-
انتقل الى: