تاج الخدمه

عدد المساهمات : 22 تاريخ التسجيل : 20/11/2013

تاج اعله راسي مخليهه ** خدمتك واتشرف بيهه

**************

يا مذهبي * يبن النبي * انته الهويـــــه

بيك الشرف * كله انعرف * واطهر قضيه

دم انتصر* بالعز ظهر* بالغاضـــــــريه

نبقه خدم * نرفـــــــع علم * للهاشميــه

بالعلم كاتب مضموني ** ما اخشه يوم العادوني

******************

ضد الظُلم * واهل الجُرم * صوتك عناوين

مثلك ابد * لامنــــــــوجد * قدم قرابــــــين

ما ساومت * ما صافحت * ايد المــجرمين

من قالها * كــــــــــلا ولا * غيرك يالحسين

بدمك الطاهر ايماني ** ثبتت ساسي واركاني

***************

ما انفصل * عنك ومـــــل * انته عشــيقي

لو ينشتل * دربك چتل * يبقه طريقـــــــي

اخلاص اوفـــه * والمعرفه * بيهه توفيقي

كل المُنه * اصبــــح أنا * خــــادم حقيقي

اتمنه اخدم يم بابك * اّخذ شفائي من اترابــك

*******************

گلبي رغب * قدم طلب * يبن النقيـــــــه

تحت القدم * خادم خدم * لو ترضه بيــــه

ما مل ابد * هذا العــــهد * حـــــد المنيـــه

الكل الاهل * تصبح عمل * هاذي الوصيه

عالگبر خل تكتب ناسي** خادمك بيك ارفع راسي

*********************

صوت ارتفع * لاما خضع * لجل الكرامـه

بحر الهمم * بيه والقـيم * ينضح شهامــه

نور أعتلــه * ضوه العُله * نور الامامــــه

حبك سند * يوم الوعد * نضمن سلامــه

من اجل حبك ضحينه ** عنـــــك ابد متخلينه

*********************

بدمي اكتبت * انته اصبحت * نهجي وامامي

شاعر صرت * بيــــك وهمت * حبك كلامــــي

ما ينوصف * لا ينعرف * شــــوگي وهيامـــــي

من مهجتي * بمــــحبتي * ابعث سلامــــــــي

ذكرك يعيش بنص بالي ** يا شفيعي انته وامالي

*****************

كل المــحن * واهل الفتن * رادونه ننســاك

ظـــنو نرد * عنــــك نصــد * ما نبقه ويــاك

ضد العـــــده * نرفع نده * بدمانــــــه نــفداك

لا والـــنبي * ويوم السبي * ما تنسي ادمـاك

نقسم ابد لا منعوفك ** ما ننسه يومك وطفوفـــك

******************