ملتقى خدام الحسين وقرّاء القرآن الكريم
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
منتدى الرادود الحسيني الأستاذ عمار الكناني هو ملتقى خدام الحسين ع و قرّاء القرأن الكريم
قال الإمام العسكري (عليه السلام): الفقر معنا خير من الغنى مع غيرنا والقتل معنا خير من الحياة مع عدونا، ونحن كهف لمن التجأ إلينا ونور لمن استبصر بنا وعصمة لمن اعتصم بنا، من أحبّنا كان معنا في السنام الأعلى ومن انحرف عنا فإلى النار .
لتحميل الملفات،،،، من خلال ،،،، مركز وليد الكعبة لتحميل الصور والملفات ،،،، http://www.wlidk.net/index.php

شاطر | 
 

 احلف وحگ كل طالبي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشاعر الحسيني ابو لقاء



عدد المساهمات : 22
تاريخ التسجيل : 20/11/2013

مُساهمةموضوع: احلف وحگ كل طالبي   الخميس نوفمبر 21, 2013 6:16 am

احلف وحگ كل طالبي ** ماترجع ايام السبي

انصاري هاذي وشيعتي ** بالدمه علگو شمعتي

***********

عبره للبشر هاليوم ** اختبار بمرقدي ليصير

اختبار وعبره بين اثنين ** قضيه امفسره تفسير

بين اللي عشگ هالدين ** والي منهجه التكفير

ناس مسلحه ايمان ** ناس مسلحه تفـــــــجير

صار اختبار بمرقدي ** بين الموالي ومعتدي

تنهضم تنظر وگعتي ** بالدمه علگو شمعتي

**********

اجت بالشام من كل صوب ** طبگت خيل ابو سفيان

متستره بســــــــــتار الدين ** اجانب وارجس العربان

ظنهم انســـــــبي من اجديد ** تريد اتهــــــــدم البنيان

قســـــــمت شيعتي بحسين ** لجلي تصبــــح القربان

راياتي بالحضره ترف ** والشيعه تنزفلي نزف

تخفف عليه روعتي ** بالدمه علگو شمعتي

************

لو انخه البطل عباس ** كفيلي وچان الي قدوه

يجيب الاكبر وجسام ** يجوني بلحظة النخوه

ينادوني بدموع العين ** يعمه انروح الچ فدوه

تهب اوياهم الانصار ** تزيح الناصبي بقوه

ادريهه كلهه تنتظر ** تنتظر من عندي الامر

تنتظر بالهم رجعتي ** بالدمه علگو شمعتي

***********

دوم اذكر زماني الراح ** واذكر كربله وحسين

كلمه گتله للعباس ** يخويه وماي هاذي العين

اسگي بجودك الرضعان ** شوف شلون متلوعين

اخذ راية علي الكرار ** ترك يم النهر چفــــــين

عطشان چان العلگمي ** روته چفوف الهاشمي

هيبتي هو وسمعتي ** بالدمه علگو شمعتي

**********

ضدي محزميــــــن حزام ** لا عدهم شرف لا عيب

صبري ولا صبر ايوب ** زرع وسط الگلب هالشيب

كلشي مدونه تدويـــــن ** ربنه امسـجله بالــــــغيب

حتما تنتـــــهي الالام ** حقـــــيقه ولا ابد مو ريب

مهدينه وباخر زمن ** يطفيهه نيران الفتن

بيده ينشف دمعتي ** بالدمه علگو شمعتي

**********
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
احلف وحگ كل طالبي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الرادود الحسيني عمار الكناني :: ملتقى شعراء أهل البيت ع :: قصائد الأحزان-
انتقل الى: