الله عالطالبيه

عدد المساهمات : 22 تاريخ التسجيل : 20/11/2013

الله عالطالبيه ** والله حره وابيه

**********

زينب رغم مهضومه ** مادنجتهه الهامه

بحكمه وعلم مشهوره ** واتحدت الظلامه

بالطف تصب عزيمه ** چنهه علي وحسامه

بنت الوصي سلطانه ** تســـتاهل الزعامه

غيرتهه حيدريه ** والله حره وابيه

***********

عفه وكرم بالعصمه ** بنت الوصي عرفوهه

بالحزن چنهه امهه ** اهل الشرف وصفوهه

چم طاغي مرو بيهه ** ما گــــــــدرو يذلوهه

بغيره وعلم محفوفه ** فنهم اذا لاگــــــــوهه

ذلت بني اميه ** والله حره وأبيه

************

هزت عروش الطاغي ** چنهه علي بخطبتهه

حرگت جذور الباغي ** زلـــــزال چن كلمتهه

ماتــــــــــــلفت للذله ** هيهـــــات من ذلتهه

هتفت هتاف بغيره ** من اعلنـــــت ثورتهه

بت حيدر الثوريه ** والله حره وأبيه

****************

صارت مثل بالعفه ** والخدر اصبح ايه

لازم تكمل الثوره ** هو الهدف والغـايه

عباس عهده اوياهه ** شالت بداله الرايه

بدرب الصبر والعزه ** تتحده بالمنايه

هاذي المُحمديه ** والله حره وأبيه

*************

حضره وصحن وسيعه ** والناس تتعناهه

مثل امهه بالظلامه ** چم ناصبي العاداهه

ردت عليهه اميه ** بارهاب تتـــــحداهه

هذا الزمن ياشيعه ** وسط العـــده خلاهه

تندب يجعفريه ** والله حره وأبيه

*************

تنادي بحزن حضرتهه ** واطالب اليحميهه

خطبت خطاب النُصره ** يوم الخطب واليهه

بغربه صفت قسمتهه ** لا ناصر ايهب ليهه

قله الذي يحموهه ** بروح ودمه تفــــديهه

هالروح الچ هديه ** والله حره وأبيه

*************