منتدى الرادود الحسيني عمار الكناني
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


ملتقى خدام الحسين وقرّاء القرآن الكريم
 
الرئيسيةالبوابةأحدث الصورالتسجيلدخول
منتدى الرادود الحسيني الأستاذ عمار الكناني هو ملتقى خدام الحسين ع و قرّاء القرأن الكريم
قال الإمام العسكري (عليه السلام): الفقر معنا خير من الغنى مع غيرنا والقتل معنا خير من الحياة مع عدونا، ونحن كهف لمن التجأ إلينا ونور لمن استبصر بنا وعصمة لمن اعتصم بنا، من أحبّنا كان معنا في السنام الأعلى ومن انحرف عنا فإلى النار .
لتحميل الملفات،،،، من خلال ،،،، مركز وليد الكعبة لتحميل الصور والملفات ،،،، http://www.wlidk.net/index.php

 

 قصيدة ( كعده ) وزن شيعتي

اذهب الى الأسفل 
كاتب الموضوعرسالة
الشاعر الحسيني ابو لقاء




عدد المساهمات : 22
تاريخ التسجيل : 20/11/2013

قصيدة ( كعده ) وزن شيعتي Empty
مُساهمةموضوع: قصيدة ( كعده ) وزن شيعتي   قصيدة ( كعده ) وزن شيعتي I_icon_minitimeالخميس نوفمبر 21, 2013 6:25 am



قصيدة كعده وزن شيعتي

شهر المحرم يحسين ** شهر الهويه

خطيناه بدمعة عين ** شهر الهويه

مرفوعه مرفوعه رايتنه مرفوعه

*************

من اجل دين ومبادء ** ضحه ابو اليمه بدماءه

چم زمن مر وتعده ** وبعده عالي يرف لواءه

لا تظن صوته ايتلاشه ** بكل زمن نسمع نداءه

صوته عنوان الشيم * مرفوع بالغيره وشيم * ويطالب نصون القيم

علمنه ابو اليمه دروس ** غيره وشهامه

صوتك لا يظل محبوس ** صون الكرامه

دونهه دونهه فكرتنه دونهه

شهر المحرم يحسين ** شهر الهويه

************

درب ابو السجاد مبدء ** خطه باسراره وحياته

عينك التبچي اشتنفعك ** وانته ماتمشي بصفاته

ماتنفعه الايده تلطم ** وتارك بغفله صلاته

ندري الصلاه اعظم ركن ** بس بيهه مقبول الحزن * والحاير وظل ممتحن

بالصلاه يلگه نجاته

تدري الصلاه والاحزان ** صارن قضيه

مثل العتره والقران يمشن سويه

گالوهه گالوهه قادتنه گالوهه

شهر المحرم يحسين ** شهر الهويه

**************

احنه بالفكره انتساوه ** فكرة العتره المجيده

بهاذي وحدتنه العظيمه ** ننصر حسين وعضيده

بيهه يتحقق املنه ** ونوصل الغايه السعيده

بوحدتنه وبلم الشمل * كل هدف عدنه يكتمل * من هالدرب لا مانمل

للموالي اصبح نشيده

لجل العقيده وحسين ** نوهب دمانه

نقسم قسم بالچفين ** نحمي لوانه

وحدتنه وحدتنه مطلبنه وحدتنه

شهر المحرم يحسين ** شهر الهويه

************
دمنه يجري بكل غزاره ** بكاتم وعبوه وقنابل

روت ارض الطف دمانه ** وخضرت دمعه وسنابل

نوهب الروح بكرامه ** ننطي مانطلب مقابل

وحدتنه مصنع للعزم * بالهمه شدينه الحزم * بامر المراجع نلتزم

وعدنه ممنوع التنازل

مانتنازل عن عاشور ** ثابت عهدنه

نتحده الظالم والجور ** واللي يضدنه

نتحده نتحده للناصب نتحده

شهر المحرم يحسين ** شهر الهويه

**********

مدري يامحنه اسجل ** والوطن تجري دموعه

چم سياسي همه بطنه ** يعلگ بدمنه شموعه

امعارك امن اجل الكراسي ** والوطن كسرو ضلوعه

لو ثار بركان الغضب * مايبقه عذر ولا عتب * ومانطلب اقوال وسبب

نجبره يعلن خضوعه

خل نحچي بعزم هاليوم ** وبكل فصاحه

هاذي الكراسي مدوم ** نحچي بصراحه

نحچيهه نحچيهه هالكلمه نحچيهه

شهر المحرم يحسين ** شهر الهويه
الرجوع الى أعلى الصفحة اذهب الى الأسفل
 
قصيدة ( كعده ) وزن شيعتي
الرجوع الى أعلى الصفحة 
صفحة 1 من اصل 1
 مواضيع مماثلة
-
» يالمهدي شعبك ممتحن ( كعده )

صلاحيات هذا المنتدى:لاتستطيع الرد على المواضيع في هذا المنتدى
منتدى الرادود الحسيني عمار الكناني :: ملتقى شعراء أهل البيت ع :: قصائد الأحزان-
انتقل الى: