منتدى الرادود الحسيني عمار الكناني
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


ملتقى خدام الحسين وقرّاء القرآن الكريم
 
الرئيسيةالبوابةأحدث الصورالتسجيلدخول
منتدى الرادود الحسيني الأستاذ عمار الكناني هو ملتقى خدام الحسين ع و قرّاء القرأن الكريم
قال الإمام العسكري (عليه السلام): الفقر معنا خير من الغنى مع غيرنا والقتل معنا خير من الحياة مع عدونا، ونحن كهف لمن التجأ إلينا ونور لمن استبصر بنا وعصمة لمن اعتصم بنا، من أحبّنا كان معنا في السنام الأعلى ومن انحرف عنا فإلى النار .
لتحميل الملفات،،،، من خلال ،،،، مركز وليد الكعبة لتحميل الصور والملفات ،،،، http://www.wlidk.net/index.php

 

 وصية ام البينين

اذهب الى الأسفل 
كاتب الموضوعرسالة
الشاعر الحسيني ابو لقاء




عدد المساهمات : 22
تاريخ التسجيل : 20/11/2013

وصية ام البينين Empty
مُساهمةموضوع: وصية ام البينين   وصية ام البينين I_icon_minitimeالخميس نوفمبر 21, 2013 5:23 am

نصاري + تجليبه
ـــــــــــــــــــــ

اوصيك يعباس بوصيتي *** وادري بطيحتك تسبق منيتي

انه ام البنين امك يبو الغيره ** لتخلي اخوك حسين بالحيره

اوصيك يعباس بوصيتي

*******

گبل طبت الوصي يايمه للدار * شفت رؤيه عظيمه تزهي بانوار

شفت تضوي بسمانه اربع اقمار* يشع هذا الضوه من حامي الجار

حرت يمه شگول ومدري شحجي * مره افرح ييمـــه ومره ابجي

شفت انّه الحلم صرت انت تفسيره * لتخلي اخوك حسين بالحيـــره

اوصيك يعباس بوصيتي

*********

ابوك اختارني وبنفسه غايه * راد ارجال متهاب المنايــــــــه

اهل علم وبخت عدهم درايه * بالغيره وعزم الهم سجايـــه

ابوك اختارني يايمه لاسباب * لقبني بلقب من احسن القـــاب

بعلم الباري كلشي صار تقديره * لتخلي اخوك حسين بالحيـــــره

اوصيك يعباس بوصيتي

*************

حاجاني علي گبل المنيه * شرحلي اسباب سر هاذي القضيه

گلي بيوم من تغدر اميه * اخبرني اگـــــــلك هالوصيــــــــه

وصاني ييمه بضعن الحسين * انت اللي تكفله ياضوه العيـــــن

ابوك بهالقضيه جان تفكيره * لتخلي اخوك حسين بالحيـــــــره

اوصيك يعباس بوصيتي

***************

گلي بعدي تتغير الاوضاع * هاذي دنيتج تتبــــــــــدل بساع

وگلي هالبنين ادريهم سباع * حسين الهم سفينه وانته الاشراع

لو طاح الحسن خلهم يصبرون * بس يوم الطفــــوف البيه يبرزون

ادري بالكفيل وشنهي تدبيره * لتخلي اخوك حسين بالحيــــــــره

اوصيك يعباس بوصيتي

************

ظليت بحزن عشت انه بالخوف * گلبي منفطر واللون مخطــــوف

حيلي ينهدم لوتجي الطفوف * وعله حسين السبط تلتم السيـوف

لخوتك ياشهم تصبح القدوه * وانتم الاربعه ترحوله فــــــــــــــدوه

خل سيفك ييمه ايبان تأثيره * لتخلي اخوك حسين بالحيــــــره

اوصيك يعباس بوصيتي

*********

كلك مرجله تنضح بالاحساس * بالغيره صرت يوليدي تنقـــــاس

وانت العاهدت حيدر يعبــــاس * ويه حسين تبقه لاخر انفــــــــاس

انت ادره ييمه بهالوصيـــــــــه * تضحي جفوف لجل ابن الزجيـــــه

محتوم القــدر مكتوب تقديره * لتخلي اخوك حسين بالحيـــــــــــره

اوصيك يعباس بوصيتي

**********
الرجوع الى أعلى الصفحة اذهب الى الأسفل
 
وصية ام البينين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الرادود الحسيني عمار الكناني :: ملتقى شعراء أهل البيت ع :: قصائد الأحزان-
انتقل الى: